​Græningjar eru stjórnmálasamtök sem beita sér fyrir umhverfismálum. Íslensk náttúra, loftslagsváin og auðlindir í eigu þjóðarinnar eru þau þrjú mál sem brenna hvað mest á Græningjum. Að öll njóti grundvallar mannréttinda óháð búsetu og hlúð sé að nærsamfélaginu. Farsæl vegferð til framtíðar felst í verndun ósnortinnar og einstakrar náttúru og líffræðilegs fjölbreytileika. Við styðjum sjálfbærni í landbúnaði en leggjumst gegn verksmiðjubúskap m.a. vegna dýravelferðar. Landið skuli vera sem mest sjálfbært m.a með því að auka ylrækt og þannig sé lágmarks fæðuöryggi tryggt í viðsjárverðum heimi.